No, no est di aici, sendi ki sa fonètiga de una lìngua fait a da mudai a atra lìngua feti ki du est bilinguismu: no du est stètiu mai su bilinguismu campidanesu-pisanu.
Is Pisanus funt arrennesçus a cunkistai su Juxau de Casteddu in su 1258 e is Cadelanus nci dus ant bogaus in su 1324: in d-un'ora aici curtza no fait a ndi fai bessiri unu bilinguismu sardu-pisanu.
Sa pronùntzia diferenti intr''e is bariedadis de su sardu est ca su campidanesu at tentu un'adelantamentu de aintru diferenti de su logudoresu-nugoresu. Est torrau a comenti totu is atras lìnguas noulatinas, mudendu is belaris in paladalis; intamis is atras duas bariedadis de su sardu ant allogau una pronùntzia prus antiga po mori de s'isulamentu jogràfigu ki di dònant is montis, ki dus at lassaus a foras de is latinisaduras annoadoras de a pustis, is de s'edadi imperiali.