Sa sarda est una de is lìnguas noulatinas ki is unibersidadis de
su mundu stùdianta de prus ca tenit naturalis ki no agataus in is atras lìnguas.
Oindi', a pustis de sègulus de arreprimidura, su sardu est torrendi a bellu a bellu
a si pigai su logu ki di spètat in sa sotziedadi sarda, s'A.Ca.Li.Sa bolit fai connosci
scentifigamenti, ma de manera simpri e crara, custa lìngua ki tenit prus de 1000
annus de stòria comenti a lìngua scrita.
ita esti
Ita est sa lìngua sarda? Comenti est ki est nasça? Comenti est ki est cresça stesiendisi' de su latinu?
is bariedadis
Is sardus anti scritu sempri is dogumentus
ofitzialis no de una manera sceti, ma umperendi sa bariedadi de su logu. Innoi connosceus
mellus comenti est spratzia sa lìngua sarda.
sa grafia
Dònnia lìngua arrekedit una grafia sua, no fait a scriri de
manera bona e crara cun is arrègulas ortogràfigas de un'atra lìngua; in sa stòria de
su sardu bieus ki d'anti scritu a grafia castillyana, a grafia cadelana e de unus cantu
'e sègulus a grafia italiana, e duncas, oindi', comenti est ki tòcat a scriri su sardu
ki boleus arrespetai su naturali suu?
