ACALISA averìguat e intzèrtigat sa calidadi linguìstiga de calikisiat obra imprentada in sardu, fait a traballai imparis a is autoris e/o cun ajudadoris de foras.

Su pròpiu serbìtziu du feus po calikisiat atra poposta asuba de sa lìngua sarda, comenti a seminarjus, cursus, insinnas, manifesteddus amostadoris ecc.

  ACALISA podit fai proxetus, podit pranitzai, promovi e apariçai calikisiat acadèssiu ki tengat comenti a tenta fai bessiri s'imparu e s'umperu de sa lìngua sarda bivu e prexerosu. Custas funt is atividadis prus fitianas:

• IMPARU
  Cursus de lìngua sarda a prus arrasus (de-i cuddu po is inghitzadoris a s'arrasu spetzialìstigu-setoriali), cumbènnius, seminarjus de stùdiu, stages de istadi, cursus intensivus (manera de s'acabussu linguìstigu) po kini no scit su sardu, cursu de arfabetamentu po kini scit su sardu, cursus po interpretadoris e tradusidoris, cursus de ajorronamentu po imparadoris, cursus abivadoris po pipius, eac.

• TRADUSIDURAS DE ATRA LÌNGUA A SU SARDU E DE SU SARDU A ATRA LÌNGUA
  De s'anàlisi de su scritu e de is tempus de faidura pàssat a s'aprontamentu e a su sçèberu de is tradusidoris prus bonus.

• INTERPRETARIAU
  ACALISA dònat incuru a sa formadura di una truma de spetzialistas cun calidadis mannas, scoberaus in donnya 'ia castiendu a is apretus espressaus.

• AJUDU A IS ISCOLAS
  ACALISA sighit donendu incuru a totu is imparadoris de donnya arrasu de-i scola, ki umpèranta su sardu in s'atividadi didàtiga.

• IMPRENTADORIS
  Imprentamentu e spainamentu de ainas didàtigas, àutus de atòbius e seminarjus, cosa de pregonàntzia, ajudu gràfigu, castiamentu torra crìtigu de scritus in prosa e in poesia, eac.

• OFÌTZIU ARRELATAS PÙBRIGAS
  Cun is assentaus suus, spertus in custu sartu, ACALISA tòrrat un'atzioni fitiana de comunigadura cun is de sa tzitadi, po entis pùbrigus, istitudus curturalis, scolas, etc.

• PREGONÀNTZIA
  ACALISA stùdiat e lòmpit mòvidas de pregonàntzia in sardu e in pitz''e su sardu.

• APARIÇADURA DE ACADESSIMENTUS AÇUNTUS
  ACALISA sighit de manera bona e cumpria a s'apariçadura de is acadessimentus açuntus, po ki sa primu mòvida siat bona e bessat bona.